Hauteskundealdia

Egunkarietan nabaritzen da. Susana Diazek Andaluziako hauteskudetara datorren abenduaren 2rako  deitu du, inork ez daki Pedro Sanchezek noiz egingo duen gauza bera Estatuan, baina Estatuko alderdi politiko guztiak kanpainan daude. Eskuinekoak are gehiago. Nabarmena da Katalunia edo Altsasuari buruz hitz egiten danean.

            Baina, nire ustez, gai honetan Estatua ez dago bakarrik, Azken asteetan PSOEk Euzkadin egindako ekintza batzuk bere hauteskundetarako kanpaina hasi dela adierazten dituzte. Fraga Palomares gaiarekin NODOn agertu zenetik, inoiz ez da ikusi Ministroren bat publizitate kanpaina baten agertzen.  Sailbururen bat are gutxiago. Ezta Rosa Diez bera “Ven y cuéntalo” kanpainarekin ere. Baina Retortillo bai, Retortillo ausartu da eta telebistan ikus dezakegu hurbileko merkataritza balioan jarri “Gauza txikien superbotereak aktibatu” lemapean zuzentzen duen Sailak antolatu duen kanpainan.

            Boterea da huteskundetan bilatzen dena, txikia edo handia herriak erabakitzen du, bere botoarekin. Baina egun berezi hori heldu arte alderdiek nork agintzen duen erakusteko ulertezinezko erabakiak hartzen dituzte batzuetan. Hori da Barakaldon PSOEren udal taldeak egindakoa. Hurrengo urterako udal tasari buruzko EAJrekin akordio lortu eta dagokion batzodean baiezko botoa eman ondoren ezetz bozkatu zuen azken momentuan  Osoko Bilkuran. Erabaki honek udal gobernutik PSOE ateratzen du eta alkatetza berreskuratzeko guda hasteko aske uzten dio. Politikaren alde gogorra eta ulertezina.

Baina bai politikan bai gizarte orokorrean atseginezko momentuak badaude ere eta baten aurrean gaude. Datorren 23an hasiko da Euskaraldia, euskera erabilera bultzatzeko kanpaina, eta aste hauetan ikus dezakegu erakunde ezberdin batzuk kanpainaren alde daudela erakusten. Alderdi politikoak ere agertu dira komunikabide guztietan bere euskarria emanez eta ez abertzaleak bakarrik, PSOEk ere azaldu du berea. Dirudienez abestiak esaten duena jende askok bete nahi du: euskara dela euskaldun egiten gaituena. Pena bat da beste esaldi famatu bat (euskaldunen hitza) ez betetzea eta hateskundeak dira adibideren bat: maiz esaten da “bai” gero "ez" egiteko.